Xasan Sheikh

 Madax waynaha shaqadiisu,shaqadiisu ma ahan Tacsida Madaxda la laayo,ee shaqadiisu waa la xisaabtanka iyo wax ka waydiinta cida uu amniga u dhiibay.

Xasan iyo xilkiisa eega
xantaan suuqa taal bal fiirsha
xasuuqii doraato daawo
xafladii ka danbaysay fiirso
xaqoodii bal raadi maanta
xogtoodii waxay ahaatay
xil bay no hayeen doraato
xabaalaha maanta fiiri
xubnihii baarlamaanka raadi
Qoraagii xiligan dayday
Waxay jiifaan xabaasha

Qore:Kamaal Macalin

Hogatusaalayn!!!!

Hogatusaalaynta dadka wax loogu tilmaamo,waxaa kamid ah
Sheeko dhex martay gabar iyo wiil jeclaa,gabadha oo ahayd qof imtixaamaysa wiilka,ayaa tiri "Hadii aad i jeceshahay waxaad ii keentaa hooyadaa wadneheeda,"
wuxuu waydiiyay hadii uu u keeno wadnaha hooyadiis in ay ogaalanyso,"Haa iyo hawraarsan ayay ugu jawaabtay,"wiilkii oo ordaya ayaa hooyadiis u tagay una sheegay waxa uu doonayo oo ah wadneheeda,hooyadii waxa ay tiri hadaad la baxdid wadnahayga oo aad u gaysid maku ogolaanaysaa haa ayuu yiri,
haye labax wadnahayga oo u gee ayay tiri hooyadii naxariista badnayd,

Waa uu la baxay wadnihii hooyadiis asaga oo lasii ordaya ayuu kufay,wadnihiina dhulka ayuu ku dhacay,wadnihii baa hadlay oo yiri "Hooyo maxaa ku gaaray" Asagoo aan ku baraarugin hadalkaasa ayuu inta uu jafjaftay oo qaaday wadnihii u geeyay gabadhii oo ku yiri waakan wadnihii hooyaday ee ina keen waxay ku tiri "War nagatag doqonyohow"

Tan u fahmi waayay wiilku ayaa ah in uu asagu yahay wadnihii hooyadiis

Dulucda!!!!
Waxaan ka faa"idaysanaynaa sheekadan laba qodob oo kala ah naxariista hooyada iyo Qof walbaa fahmo in uu asagu yahay wadnaha hooyadiis

Kamaal Macalin
By:Abwaan Mohamed Ibrahim Warsame (Hadraawi)

Taariikh Nololeedkii Allaha U Naxariistee C/shakuur Mire Aadan

Ilaahay Naxariistii Janno ha siiyo Marxuum Cabshishakuur Mire Aadan wuxuu ku dashay Degmadda Qandala ee Gobolka Bari, 1963dii.Waxbarshada Dugsiga hoose wuxuu ka bilaabay Isku-shuban 1970kii, wuxuuna ku dhamaystay Buule Barde 1974, Dugsiga dhexe wuxuu ku qaatay Muqdisho, wuxuuna ka baxay Dugsiga Sare ee Badda 1982, Wuxuu ka Qalanjabiyay Kulliyadii Macalimiinta Farsamada. Qaybta badda isagoo ku takhakhusay Nautical Science (Aqoonta Badmaaxnimada), Sanadkii  1986 wuxuu Macalin ka ahaa Dugsigii sare ee badda Muqdisho. Sanadkii 1987 wuxuu shaqaale ka noqday Wasaaradii Kalluumaysiga iyo Kheyraadka Badda ee Dowladii Somaliya.
Qoraalka wuxuu bilaabay 1982, Maqaalo ayuu ku qoray Wargeykii Xiddigta October. 1985 ayuu qoray qisadii Sooryo-dhagareed. 1986 wuxuu isku duba riday qoraal sheekooyin gaagaaban  Xusuus caashaq. 1987 wuxuu qoray qiso xiiso badan   Dhalanteed jacayl 1988-dii wuxuu qoraalkiisa wax ku lahaa film la oran jiray  Eedaysane, islamarkaana ka ahaa soo saare. Sanadkii 1991 wuxuu ka aas aasay Magaalada Kismaayo Wargayska Ilays.
2001 wuxuu mulkiile iyo Agaasime ka ahaa Radio Midnimo oo ku tiil Magaalada Bosaso, 2008 wuxuu dib u bilaabay Wargayskii Ilays news paper oo ka soo baxa Magaalada Bosaso. 2003 ayuu xubin ka noqday Bahda Qalinleyda Soomaaliyeed” Somali Speaking Pen” . Sanadkii 2003 Wuxuu Soo Saaray Buugii Koboca Islaamiyiinta Soomaaliya(1952-2002).
Alla ha u naxariistee, C/shakuur Mire Aadan jagooyin kala duwan ayuu ka soo qabtay Maamulka Dowladda Puntland, 2002 Wuxuu noqday Wasiir k/xigeenkii Wasaaradda Warfaafinta iyo Isgaarsiinta ee Puntland, isla Jagaadaas Waxaa uu markale Qabtay Sanadkii 2009 Maamulkii Madaxweyne C/raxmaan Faroole. Waxaa kaloo uu Qabtay Jagada Wasiiru Dowlaha Dekedaha iyo la Dagaalanka Burcad- Badeeda Puntland, sidoo kale wuxuu  la Taliye u noqday Madaxweyne Cadde Muuse Xirsi.
Alla ha u naxariistee, C/shakuur Mire Aadan Wuxuu ifka kaga Tagay Saddex Caruur  Labo Wiil iyo Gabar iyo Hooyadood . Alle ha u naxariistee Walaalkeen Cabdi shakuur mire Waxaa lagu Xasuusan Doono inuu Qoraa, Siyaasi Hadal Cad oo aan ka Gaban inuu runta ka hadlo, Wuxuu  ahaa nin jecel inuu Taariikh  uga Tago Dadkiisa iyo Dalkiisa, Wuxuu ahaa Saxiib dhow oo Warbaahinta iyo Saxafiyiinta ay lahaayeen.
Inaa lilaah waa Inaa illahi Raajicuun

W/Q : Cumar Siciid Maxamed

Kala Maan

Kala Maan

Waxaan daawaday barnaamij TV oo saynisyahan British ahi uu baarayo bal in nolol kale oo midda aan naqaan ahayni ay ka jirto dunida. 

Wuxuu badda hoos u galay 2 km si uu u eego qabowga iyo mugidiga meeshaa ka jira in ay nololi ka jiri karto.

Wuxuu eegay lama degaanka Atacama (Atakama) oo 50 jeer ka sii qallalan midka Sahara. 

Wuxuu booqday goobo kale oo ay ka mid yihiin buuro barafoobay iyo volcano aan demin oo ku yaal degaanka Cafarta Ethiopia.

Wuxuu adeegsanayay ereyga "ilbaxnimadeyda", asaga oo ula jeeda ilbaxnimada Aadanaha.

Gunaanadkii waxaa uu fasiray macnaha ay sameyneyso haddii nolol laga helo meerayaal kale oo ka tirsan carra edeg.

Waxaan soo xusuustay dood uu xilli aan fogeyn iila yimid mudane ka tirsan Baarlamaanka Soomaaliya. Wuxuu wakhti dhan geliyay in uu ii fasiro wax uu isagu u yaqaan “Ku dhashay” iyo “U dhashay” oo uu siyaasad ka dhigayo.

Barnaamijka baadi goobaya in Mars iyo Jupiter ay nololi ka jiri karto ee raba in uu i baro sida looga faa’iidi karo iyo wey isu key qaban waayeen Xildhibaanka raba in uu i baro “Ku dhashay” iyo “U dhashay” .

Fadlan ra'yigaaga xagga hoose ee isla boggan ku reeb. 

 

By.Yusuf Garaad